Genel

0 70

TRT Avaz kanalının 8-ci ildönümü  və Novruz Bayramı münasibəti ilə 21 martda təşkil edilən “Novruz Gala`17”  konsert proqramı,  Bakıda yaşanan bayram coşqusunu  Türk dünyasına  çatdırmışdır.

Heydər Əliyev Mərkəzində təşkil edilən, 26 ölkə və 15 muxtar respublikaya canlı olaraq yayımlanan “Novruz Gala`17”  konsert proqramını  300 milyona yaxın tamaşaçı izləmişdir.

Gecəyə Azərbaycandan və Türkiyədən  olan millət vəkilləri və rəsmi şəxslər, o cümlədən, Türkiyənin Azərbaycandakı fövqəladə və səlahiyyətli səfiri Erkan Özoral, AR Prezident Administrasiyasının ictimai-siyasi məsələlər şöbəsinin məsul əməkdaşı Bəhruz Həsənov, ŞKTC-nin Bakı təmsilçisi Ufuk Arca Turganerlə yanaşı Anadolu Universiteti Azərbaycan Proqramları Koordinatoru Azər Hətəmov da qatılmışdır.

Konsertdə xalq artisti Alim Qasımov, əməkdar artist Azərin, “Natiq ritm qrupu” və Türkiyənin tanınmış müğənnisi Emre Aydın çıxış etdilər. Konsertin təşkilatı dəstəkçiləri, Türkiyənin Azərbaycandakı Səfirliyi, ATİB, Anadolu Universiteti Azərbaycan Proqramları, TİKA, Yunus Emre Enstitüsü,  TEKFEN və başqalarıdır.

Sonda konsertin təşkilati dəstəkçilərinə plaketlər verildi və tədbirin təşkilində göstərdiyi xüsusi dəstəyə görə AR Prezidentinin İctimai-siyasi məsələlər üzrə köməkçisi, AR Prezidentinin Administrasiyasının İctimai-siyasi məsələlər şöbəsinin müdiri adına verilən təşəkkür plaketi ictimai-siyasi şöbənin məsul əməkdaşı Bəhruz Həsənova  təqdim edildi.

Konsertin aparıcıları  Nanə Ağamalıyeva və Hakan Urgançı olmuşdur.

 

0 50

Novruz bayramı uzun əsrlərdən bu günümüzə qədər vətənimizin hər bir guşəsində müxtəlif el şənlikləri və mərasimlərlə qarşılanır. Novruz həm də gecə ilə gündüzün tarazlaşıdığı günə təsadüf etməklə, baharın başlanğıcı, Bahar Bayramı sayılır.

Novruz gününə aparan yol 4 çərşənbədən keçir. Bunlar su, od, torpaq və yel (İlaxır çərşənbə) çərşənbələridir. Bu günümüzə qədər yaşayan inanca görə, su çərşənbəsində su və su mənbələri təmizlənir və təzələnir. İkinci çərşənbənin odla əlaqələndirilməsi də əbəs yerə deyil. O, günəşin hərarətinin artması ilə izah olunur. Üçüncü çərşənbədə torpaq oyanır. İlaxır çərşənbədə isə küləyin köməyi ilə ağaclar tumurcuqlayır. Nəticədə bütün bunların vəhdəti ilə bütövlükdə təbiət canlanır və yenilənir.  Novruz bayramını milli bayram kimi dünyanın müxtəlif ölkələrində yaşayan azərbaycanlılar qeyd edirlər.

Biz də Anadolu Universiteti Azərbaycan Proqramları olaraq xalqımızı Novruz bayramı münasibəti ilə ürəkdən təbrik edirik, xoş günlər arzu edirik!

0 72

          Her yıl düzenli olarak yapılan “Anadolu Üniversitesi Açıköğretim Fakültesi Büroları Hizmetiçi Eğitim Toplantıları” 13 Mart Pazartesi günü Öğrenci Merkezi Salon 2016’da başladı. Programa; Anadolu Üniversitesi Rektörü Prof. Dr. Naci Gündoğan’ın yanı sıra Anadolu Üniversitesi Açıköğretim Sisteminden Sorumlu Rektör Yardımcısı ve Açıköğretim Fakültesi Dekan Vekili Prof. Dr. Yücel Güney, Anadolu Üniversitesi Azerbaycan Programları Koordinatörü Azer Hatemov ile Açıköğretim Sistemi öğretim elemanları ve Açıköğretim bürolarından birçok yönetici katıldı.

          Anadolu Üniversitesi Senfoni Orkestrası’nın konseriyle başlayan program, Rektör Prof. Dr. Naci Gündoğan’ın açılış konuşmasıyla devam etti. Rektör Prof. Dr. Naci Gündoğan, Anadolu Üniversitesinin tüm dünyada ve Türkiye’de görünen yüzü olan Açıköğretim Bürosu çalışanlarına verdiği önemi vurgulayarak, yeni açılacak İngilizce Açıköğretim programlarının müjdesini verdi.

          Açıköğretim Sisteminde gerçekleştirilen 2016 yılı faaliyetlerini hakkında bilgi veren Prof. Dr. Yücel Güney ise büro çalışmalarının faaliyetlerinden memnun olduklarını dile getirdi.

          Açılış konuşmalarının ardından program, Anadolu Üniversitesi Hizmetiçi Eğitim ve Anadolu’da Kariyer adlı tanıtım videolarının gösterimiyle devam etti. Anadolu Üniversitesi Açıköğretim Sistemi Büro hizmetlerinin daha da geliştirilmesi amacıyla düzenlenen programın ilk gününde ayrıca, Açıköğretim Sisteminde hizmet veren ve en yüksek performans puanını elde eden büyük, orta ve küçük ölçekli bürolara da başarı belgeleri takdim edildi. Yıl içinde gösterdikleri performansa göre yapılan değerlendirmeler sonucunda İstanbul Beşiktaş bürosu büyük ölçekli, Bolu bürosu orta ölçekli ve Artvin bürosu küçük ölçekli büro olma başarısı elde etti. Etkinlik; protokol iletişimi, tanıtım faaliyetleri, e-sertifika bilgilendirmesi, Öğrenme Teknolojileri Ar-Ge Birimi bilgilendirmesi ve ölçme değerlendirme yöntemleri hakkında bilgilendirmeyle sona erdi.

0 153

Anadolu Universiteti Azərbaycan Proqramları koordinatoru Azər Hətəmov 2017-ci ilin fevral ayı ərzində müxtəlif suallarla müraciət edən 25 nəfərə yaxın tələbəni onların müraciətləri əsasında  qəbul edərək, suallarını cavablandırmış və onlara lazımi məsləhətlər vermişdir. Onların arasında ictimai fəal, dərslərində uğurlu nəticələri olan tələbəmiz Sona Salmanlı da Koordinator tərəfindən qəbul edilmişdir.

Qəbul zamanı distant təhsilalma formasının üstünlükləri, eləcə də cəmiyyətin inkişafında gənclərimizin ictimai fəallığı barədə müzakirələr aparılmışdır. Təhsil həyatında uğurlu olan tələbəmiz Sona Salmanlı, gənclərin məsafədən təhsil almaları üçün yaradılan  şəraitə görə, Anadolu Universiteti rektorluğuna və Azərbaycandakı tələbələrlə yaxından maraqlanan, onlarla birbaşa əlaqədə olan, Anadolu Universiteti Azərbaycan Proqramların koordinatoru Azər Hətəmova bütün tələbələr adından öz minnətdarlığını bildirmişdir.

Sonda Koordinator  Azər Hətəmov, bundan sonra da təhsilində uğurlu nəticələr əldə edən tələbələrə universitet tərəfindən dəstək veriləcəyini qeyd edərək,  Sona Salmanlıya Anadolu  Universitetinin döş nişanını  və üzərində Anadolu Dövlət  Universitetinin loqosu  həkk olunmuş digər hədiyyələri təqdim etdi.

0 132

Ermənistanın Azərbaycan xalqına qarşı törətdiyi Xocalı soyqırımının 25-ci ildönümü ilə əlaqədar, Anadolu Univerisiteti Azərbaycan Proqramları koordinatoru Azər Hətəmov, qurumun əməkdaşları və Anadolu Universitetinin bir qrup fəal gəncləri Bakıda Xocalı soyqırımı qurbanlarının xatirəsinə ucaldılmış “Xocalı” abidəsini ziyarət edərək, abidənin önünə Anadolu Universiteti Azərbaycan Proqramları adından əklil və gül dəstələri qoydular.

Koordinator Azər Hətəmov və tələbələr, Xocalı soyqırımı qurbanlarının xatirəsin bir dəqiqəlik sükutla yad etdilər. Sonra Koordinator Azər Hətəmov, Xocalı faciəsinin 20-ci əsrdə baş verən dəhşətli hadisələrdən biri olduğunu xüsusi vurğulayaraq, tələbələrə faciə haqqında ətraflı məlumat verdi.

Xatırladaq ki, 1992-ci il fevralın 25-dən 26-na keçən gecə erməni silahlı qüvvələri keçmiş sovet ordusunun Xankəndində yerləşən 366-cı motoatıcı alayının ağır texnikası və şəxsi heyətinin köməyi ilə Azərbaycanın qədim Xocalı şəhərinə hücum etmiş və dinc əhaliyə amansız divan tutmuşlar.

Sonra, Koordinatorun  gənclərlə ayrıca görüşü təşkil edildi və  səmimi şəraitdə keçən görüş zamanı, tarixi, elmi mövzularda müzakirələr aparıldı.

Daha sonra Anadolu Unversiteti Azərbaycan Proqramları tələbəsi Sənan Rzalı, Xocalı Soyqırımına həsr etdiyi şeirini Koordinatora təqdim etdi. Həmin şeirin bir gəncin ürəyindəki Xocalı ağrısının misralara süzülmüş bir haray olduğunu və onun ilk şeiri olduğunu nəzərə alaraq, bədii cəhətdən heç bir dəyişiklik edilmədən olduğu kimi təqdim edirik:

Xocalı Şəhidim

Ana bətnində öldürdülər,

Öldürərək ikisini də şişə çəkdilər.

Qoca, cavan demədən qan tökdülər,

Heç vaxt unudulmayacaqsan şəhidim!

***

Erməni əli silahlı yağıları,

Silahsız insanlara qan uddurdular.

Udduraraq diri-diri basdırdılar,

Heç vaxt unudulmayacaqsan şəhidim!

***

Çoxunu əsir götürdülər,

Bir o qədər də öldürdülər.

Bilirdilər nə edirdilər,

Heç vaxt unudulmayacaqsan şəhidim!

***

Erməni yağılarının etdiyi vəhşilikləri,

Gözlər önünə gətirərək ağlayaq.

Ağlayaraq qan yaddaşına bağlayaq,

Heç vaxt unudulmayacaqsan şəhidim!

0 185

            Tarixin müxtəlif dönəmlərində ermənilər tərəfindən soyqırıma məruz qalan Azərbaycan xalqı növbəti belə faciə ilə 1992-ci ildə Xocalıda üzləşdi. Dövlət müstəqilliyini yenicə qazanan Azərbaycanın üzləşdiyi ərazi itkisi ilə yanaşı, əsrin ən dəhşətli faciələrindən birini yaşaması ölkəmizin yeni tarixinə qara hərflərlə yazıldı. Xocalı faciəsi iki yüz ilə yaxın bir müddətdə erməni şovinist-millətçiləri tərəfindən azərbaycanlılara qarşı müntəzəm olaraq həyata keçirilən etnik təmizləmə və soyqırımı siyasətinin davamı və ən qanlı səhifəsidir. Öz miqyasına və dəhşətlərinə görə dünya tarixində analoqu az olan Xocalı soyqırımını törətməkdə erməni şovinistləri və ideoloqları uzunmüddətli məqsəd güdürdülər. Məqsəd Dağlıq Qarabağı və digər Azərbaycan torpaqlarını ələ keçirmək, xalqımızın müstəqillik və ərazi bütövlüyü uğrunda mübarizə əzmini qırmaq idi. Faciə bütün Azərbaycan xalqını sarsıtmış, Xocalı sakinlərinə sağalmaz yaralar, mənəvi zərbələr vurmuşdur. Xocalı faciəsinin acı nəticələrini hamı bilməli və daim yadda saxlamalıdır: Azərbaycan Respublikasının əsas ərazisi ilə əlaqəsi kəsilmiş, 50-60 ədəd avtomat silah və ov tüfəngi ilə silahlanmış özünümüdafiə dəstəsi olan Xocalı şəhəri ətrafında ən müasir texnika ilə silahlanmış ermənilər şəhərin mühasirə halqasını günü gündən daha da sıxmış və 1992ci il fevralın 25-də gecə saat 22 radələrində Xocalı şəhərinə 366-cı motoatıcı alayının komanda heyəti və hərbi texnikası ilə birgə hücuma keçmişdir. Cinayətkar erməni hərbi birləşmələrinin vəhşiliyi nəticəsində 613 nəfər şəhid, 487 nəfər şikəst olmuş, 1275 nəfər dinc sakin – qocalar, uşaqlar, qadınlar əsir götürülərək ağlasığmaz erməni zülmünə, təhqirlərə və həqarətlərə məruz qalmışlar. 150 nəfərin taleyi hələ də məlum deyildir. Şəhid olanların 106 nəfəri qadın, 63 nəfəri isə azyaşlı uşaqlar olmuşlar, şikəstlərin 76 nəfəri yetkinlik dövrünə çatmamış oğlan və qızlardır. 8 ailə bütövlükdə məhv edilmiş, 24 uşaq hər iki valideynini, 130 azyaşlı uşaq isə valideynlərindən birini itirmişdir. Şəhid olanların yalnız 335 nəfəri dəfn olunmuşdur. 1000 nəfərdən artıq şəhər sakini müxtəlif dərəcəli bədən xəsarətləri almışdır.

0 176

Ötən xəbərlərimizdə məlumat  verdiyimiz kimi, ATİB İdarə Heyətinin sədri Cemal Yangın və Anadolu Universiteti Azərbaycan Proqramları Koordinatoru Azər Hətəmov,  fevral ayının ilk ongünlüyündə Moldovada işgüzar səfərdə olmuşlar. Səfər çərçivəsində onlar və  ATİB İdarə Heyətini təmsil edən heyət Qaqauziya Muxtar Respublikasının başçısı İrina Vlaxla görüşmüşlər, həmçinin Moldovanın Komrat Dövlət Universitetində olmuşlar. Qonaqları Komrat Dövlət Universitetinin rektoru Zakariya Sergey Konstantinoviç  qəbul etmişdir. Görüş zamanı Azər Hətəmov, Komrat Dövlət Universitetinin rektoruna Anadolu Universiteti və Anadolu Universiteti Azərbaycan Proqramları haqqında, həmçinin  Distant Təhsil Sistemi (Açiköğretim Sistemi) haqqında məlumatlar  verərək, Anadolu Universitetində mövcud olan distant təhsil sisteminin keyfiyyət və üstünlüklərindən ətraflı məlumat vermişdir.

Komrat Dövlət Universitetinin rektoru  Zakariya Sergey Konstantinoviç   rəhbərlik etdiyi təhsil qurumu haqqında məlumat verərək, Anadolu Universiteti ilə əməkdaşlıq etməkdən öz məmnunluğunu bildirmişdir. Görüşdə Komrat Dövlət Universitetinin Prorektorları da iştirak etmişlər. Eyni zamanda Koordinator Azər Hətəmov Universitetdə ali təhsil alan Azərbaycanlı tələbələrlə də görüşmüşdür.

Daha sonra Anadolu Universiteti Azərbaycan Proqramları Koordinatoru Qaqauziya təhsil başkanı Sofiya Torlak ilə görüşmüş və həmin gün  Komrat şəhərinin bir neçə orta təhsil müəsissələrinin qonağı olmuşdur.  Komrat şəhər orta məktəbinin yuxar sinif sagirdləri qonağı duz çörəklə qarşılamış və şeirlər söyləmişlər. Sonda Koordinator Azər Hətəmov məktəbin akt salonun da məktəblilər tərəfindən hazırlanmış konsert proqramını  izləmişdir.

 

REPORT.AZ: https://report.az/ru/biznes/bashkan-gagauzii-azerbajdzhan-yavlyaetsya-odnim-iz-vazhnyh-partnerov-v-tyurkskom-mire/

 

0 594

Anadolu Universiteti məzunu Anar Ağazadə: “İkinci Universitet oxumaq üçün Anadolu Universitetini seçməklə, ən düzgün qərarı verdiyimi məzun olduqdan sonra anladım”

Desəm ki, Anadolu Universitetində oxuyan hər bir tələbənin öz Anadolu  hekayəsi var, yəqin ki, yanılmaram. Elə mənim də bu illərlə bağlı öz Anadolu hekayəm var. Əslində hər şey 2010-cu ildə qardaşımın TQDK-da ikinci qrup üzrə müvafiq universitetə imtahan verməsindən başladı. İyul ayının qızmar günlərindən biri idi.  Qardaşım Abuzər Azərbaycan Texniki Universitetində qəbul imtahanında idi, mən və anam qardaşıma dəstək olmaq üçün onu imtahan binasının həyətində gözləyirdik, bu zaman bir çox özəl və xarici universitetlərin təmsilçiləri, tələbə və valideynlərin sıx olmasından istifadə edərək, təmsil etdikləri universitetlərin məlumat vərəqələrini təqdim edirdilər. Onlardan biri də, Azərbaycanı tərk etmədən distant formada ali təhsil verən, Anadolu Dövlət Universitetinə aid məlumat vərəqəsi idi. Məlumatları oxuduqdan sonra, diqqətimizi cəlb edən nüanslar olduğu üçün, anam onu çantasına qoydu. İmtahan bitdi, qardaşım imtahandan çıxdı və biz birlikdə evə getdik. Həmin gün axşam evdə test blankındakı cavabların doğruluğunu televiziya vasitəsiylə yoxladıq və  rəsmi nəticələri gözləməyə başladıq. Nəticələr açıqlandı, lakin təəssüflər olsun ki, qardaşım istədiyi universitetə qəbul ola bilmədi və növbəti  qəbul imtahanlarına  hazırlaşmağa qərar verdi.

Həmin ilin sentyabr ayı idi, o zaman mən Azərbaycan Kooperasiya Universitetinin sonuncu kurs tələbəsi idim və dərsə gedərkən avtobusda radio ilə səslənən Anadolu Universitetinin qəbul elanını eşitdim və artıq bu universitet haqqında yuxarıda qeyd etdiyim şəkildə məlumatım var idi. Evə döndükdən sonra valideynlərimlə bu universitet haqqında məsləhətləşdik, Distant təhsilin Azərbaycan Respublikasının Təhsil Haqqında qanununda, təhsilalma forması kimi öz əksini tapması bizim qərarımızı qətiləşdirdi və vaxt itirmədən qardaşımın Türkiyənin, həmçinin dünyanın ən nüfuzlu universitetlərindən  biri olan  Anadolu Dövlət Universitetində distant təhsil almasını daha məqsədə uyğun hesab etdik.

Ertəsi gün qardaşım Abuzər, bizə verilən Anadolu Universitetinin Azərbaycan Proqramlarının məlumat vərəqəsində qeyd olunan nömrələrlə əlaqə saxlayaraq, Bakı şəhərində yerləşən ünvana gedərək, sənədlərini təqdim etmiş və imtahanda iştirak etmək üçün qeydiyyatdan keçmişdi. Sentyabr ayının sonlarında baş tutan imtahanda o, yüksək bal toplayaraq, Türkiyənin Anadolu Dövlət Uuiversitetinə qəbul oldu.

Qardaşım Abuzər Ağazadə 2010-2014-cü illər ərzində Anadolu Universitetinin  Menecment (“İşletme”) fakültəsində təhsil aldığı müddətdə, dərslərində yaxşı nəticələr əldə edərək Tərifnaməyə (“Onur Belgesi” və “Yüksek Onur Belgesi”) layiq görülmüşdür.

Bir böyük qardaş həm də, bir təcrübəyə malik  tələbə kimi, mən müntəzəm olaraq Abuzərin dərsləri ilə maraqlanırdım, eyni zamanda öz təhsil aldığım tədris proqramı ilə müəyyən müqayisələr aparırdım. Anadolu Universitetinin verdiyi dərsliklər və tədris proqramı mənə çox fərqli gəldiyinə görə , məndə maraq və həvəs yaratmışdır. Universitetinin diqqətimi çəkən dərs proqramını gördükdə,  Kooperasiya Universitetini bitirdikdən sonra, ikinci təhsilimi Türkiyənin Anadolu Dövlət Universitetində  almaq qərarını verdim. Bu qərarı verməyimə ən əsas səbəb, Azərbaycan universitetlərinin diplomları xarici ölkələrdə tanınmadığından, Anadolu Dövlət Universitetinin diplomları isə dünyanın əksər ölkələrində tanındığı üçün, mən gələcəkdə dünyanın istənilən ölkəsində  rahatlıqla işlə təmin edilə bilərəm.

Odur ki, ikinci təhsilim üçün, sənədlərimi Anadolu Dövlət Universitetinin Azərbaycan Proqramlarına təqdim etdim. İmtahan suallarını cavablandırdım və nəticələrin acıqlanacağı günü səbirsizliklə gözləyirdim. Gözlənilən gün gəldi çatdı. Nəticələr açıqlandı və Türkiyənin Anadolu Dövlət Universitesinin Menecment (“İşletme”) fakültəsinə daxil oldum və bu mənim ən sevincli günlərimdən biri idi çünki, artıq  mən də Anadolu Universitetinin böyük ailəsinin bir üzvü olmuşdum. Qarşıda isə məni məsuliyyətli və maraqlı təhsil illəri gözləyirdi.

Tələbələri qruplara böldülər və mənim qrupum 110 E saylı qrup oldu.  Bizə həm müəllim iştirakı ilə dərslər keçilirdi, həm də Türkiyədən canlı bağlantı vasitəsilə videokonferans dərslər təşkil edilirdi. Təhsilin səviyyəsi çox yüksək  idi.

Seçimimdə yanılmamışdım, Anadolu Universiteti həqiqətən də tələbələrə qayğı göstərir, yüksək səviyyədə təhsil verirdi. İlk tədris ilimdə (2011-2012) bütün imtahanlardan uğurla ikinci kursa keçdim. İkinci kursda müəyyən yeniliklər oldu, Universitet baloniya sisteminə keçid aldı, bununla da biz tələbələr  yuxarı semestr dərslərindən götürməklə dörd illik proqramı üç ilə tamamlamaq  imkanı idi. Yeni qaydalara görə, bir semestrdə  ən çox on bir fənn (45 kreditlik dərs) götürdükdə, imtahanları uğurla keçdikdən sonra universiteti vaxtından əvvəl, yəni dörd  illik bakalavr pilləsini üç ilə bitərərək məzun olmaq olardı.

Artıq hədəfim, Anadolu Universitetinin dörd illik bakalavr pilləsini üç ilə tamamlamaq idi. Payız semestrində on bir fənndən imtahanda iştirak etdim, öhdəlik götürdüyüm  fənnlərdən doqquzundan uğurla keçdim, lakin iki fənndən kəsilərək həmin dərslər gələn ilin payız semestrına qaldı. Onu da qeyd edim ki, mən Anadolu Universitetində oxuduğum illərdə həm də işləyirdim. Eyni vaxtda hər ikisinin öhdəsindən gəlmək çətin olsa da, ikinci universitet xəyallarımın gerçəkləşməsi üçün bütün çətinliklərə hazır idim.  Çünki, İkinci Universitet oxumaq üçün Anadolu Universitetini seçməklə, ən düzgün qərar verdiyimi məzun olduqdan sonra anladım.

Artıq 2013-2014 tədris ilinə qədəm qoymuşduq və ümumilikdə, on fənndən imtahana girdim və başarıyla imtahanlardan keçərək,  Tərifnamə (“Onur Belgesi”) alamağa haqq qazanmışdım. Tərifnamə aldığım zaman, sevincimi, həyəcanımı sözlə ifadə edə bilmirəm, çox fərqli, xüsusi hiss etdirən və zəhmətə dəyər verildiyini göstərən bir qarşılıq idi.

Nəhayət, 2014-2015 tədris ili başladı və mən payız semestri imtahanlarından keçməklə,  Anadolu Universitetini dörd illik bakalavr pilləsini üç il yarıma tamamladım. Sevincimin həddi-hüdudu yox idi. Çünki, dünyanın nüfuzlu universitetlərindən olan Anadolu Dövlət Universitetinin məzunu olmaq çox şərəfli idi.

Başarılı tələbə olduğum üçün, Eskişehir`də Anadolu Universitetində hər il ənənəvi  olaraq təşkil edilən məzuniyyət törəninə dəvət aldım. Eskişehir`də Azərbaycandan bitirən digər tələbə yoldaşlarımla birlikdə məzuniyyət törənində iştirak etdik. Burada çoxlu sayda dostlar da qazandım. Azərbaycandan yüzlərlə məzun arasından seçilib, Türkiyədə öz vətənini təmsil etmək, həqiqətən fəxr ediləsi duyğudur. Məzun yoldaşlarımızla birlikdə, həyata atıldığımızın rəmzi ola məzun papaqlarını havaya atmağın bir başqa gözəlliyi var idi.

Belə yüksək səviyyəli təhsilə görə, tələbələrə göstərilən dəyərə, qayğıya, bir sözlə hər şeyə görə, başda Anadolu Universitetinin Rektoru Prof. Dr. Naci Gündoğana, Anadolu Universitetinin Azərbaycan Proqramlarının Koordinatoru Azər Hətəmova və əməyi keçən hər kəsə dərin təşəkkürlərimi bildirirəm.

Sonda onu demək istəyirəm ki, Anadolu Universiteti sloganında deyildiyi  kimi “Yaşamboyu Eğitim” – oxumağın, öyrənməyin də yaşı, məhdudiyyəti yoxdur. Tələbələrə bir vətəndaş kimi tövsiyyəm zamanlarının, gənclik illərinin qədrini bilərək dəyərləndirsinlər. Məqsədə çatmaq üçün daim, dayanmadan çalışmaq lazımdır. Əmək bazarının, qloballşan dünyanın tələblərini nəzərə alaraq bir ixtisasla kifayətlənməsinlər.

 

Anadolu Üniversiteti Məzunu  Anar Ağazadə

 

0 596

Anadolu Universitetinin məzunu olmaq üçün, bütün dərs kitablarını oxuyaraq imtahanlardan uğurla  keçmək lazımdır.

 “Güz Dönemi” qeydiyyatını yeniləməyən tələbələr, Siz rahatlıqla “Bahar Dönemi” qeydiyyat zamanı

6 MART – 6 APREL tarixlərində qeydiyyatınızı yeniləyərək MƏZUN OLMA xəyallarını gerçəkləşdirə bilərsiniz.

0 712

      Anadolu Universiteti Azərbaycan Proqramları olaraq, uğurlu hekayələr rubrikasını davam etdiririk. Biz bu rubrikanın müntəzəmliyini ona görə təmin edirik ki, burada bəhs etdiyimiz, Anadolu Universitetinin tələbə və məzunlarının həyatda qazandığı uğurlarla, onların rastlaşdığı problem və çətinliklərlə oxucularımızı tanış edək. Məqsədimiz  hər bir gəncin özünə həyatda layiqli yer tutmasında yardımçı olmaqdır. Elə bugünkü qonağımız, Anadolu Universitetinin məzunu Gülnarə Qarayevanın da sizə deyiləsi sözləri var. Həmişə olduğu kimi, onunla da söhbətimizi ənənəvi sualdan başlayırıq.

      Gülnarə xanım, qısa da olsa, özünüz barədə məlumat verərdiniz?

Mən 1991-ci ildə Bakı şəhərində anadan olmuşam. Elə orta təhsilimi də Bakının 20 saylı orta məktəbində almışam. Hələ məktəbin yuxarı siniflərində oxuyarkan, hər bir gənc kimi, mən də ali təhsil almaq, öz həyatımı və karyeramı qurmaq arzusu ilə yaşamışam. Vaxtı gəlib çatanda həm ali təhsil aldım, həm də işlə təmin edildim.  Və bunların hamısının səbəbi, Azərbaycanı tərk etmədən Anadolu Universitetindən distant formada aldığım təhsil oldu.  Anadolu Universitetinin məzunu olmaq çox qürurverici bir hiss olmaqla yanaşı, böyük məsuliyyət də tələb edir

      Anadolu Universiteti və məzunu olduğunuz  “Beynəlxalq Münasibətlər” fakultəsini seçmə səbəbiniz?

Qeyd etdiyim kimi, eyni vaxtda həm ali təhsil almaq və həm də işləmək arzusunda idim. Anadolu Universitetinə gəlməyim təsadüfən baş vermədi. Çünki bu universitet haqqında çox eşitmişdim. Lakin hardasa tərəddüd edirdim. Qərarımı verməkdə mənə ilk olaraq valideynlərim dəstək oldular. Və Anadolu Universitetini seçdiyimiz üçün peşman olmadıq, çox düzgün qərar verdiyimizi zaman göstərdi.

      Siz nəyi nəzərdə tutursunuz?          

Mən ilk növbədə Anadolu Universitetini və onun Azərbaycan Proqramlarını nəzərdə tuturam. İlk gündən mən burada qayğı, səmimilik və peşəkarlıq gördüm. Buranın özünəməxsus müsbət aurası var. Tələbələr bir-birləri ilə  texnologiyanın bizlər üçün verdiyi imkanlardan istifadə edərək , virtual və əyani  təmasda ola bilirlər, öz problem və qayğılarını dostları ilə bölüşürlər. Rəhbərlik və işçi heyətinə gəldikdə isə, biz çəkinmədən  öz qayğı və istəklərimizi onlara çatdırmaq imkanlarımız var. Və çoxlarımız bu imkandan yararlanaraq faydalanırıq.

      Sizin söylədiklərinizin  əksəriyyəti daha çox insanlar arasında olan münasibətlərə aiddir. Bəs dərslər haqqında nə deyə bilərsiniz?

Bildiyimiz kimi, Distant Təhsilin bir çox üstünlükləri mövcuddur. Birincisi və ola bilsin ən əhəmiyyətlisi, təhsil prosesi elə təşkil edilmişdir ki, tələbə tam sərbəstdir. Paralel olaraq işləmək imkanı da var. Lakin, bu sərbəstliyə baxmayaraq biliklərin əldə olunması prosesi çox ciddidir və hər bir tələbədən yüksək məsuliyyət hissi tələb edir. İmtahanları müvəffəqiyyətlə vermək üçün oxumaq, dərslərlə gündəlik məşğul olmaq tələb olunur. Adətən digər təhsil növlərində (qiyabi və.s), nə dəsrliklə təmin olunmaq, nə də faydalı təhsil prosesindən söhbət gedə bilməz. Lakin, biz tələbələr  çox müasir kitab və dərsliklərlə təmin olunurduq, üstəgəl elektron vəsaitlər və videokonfranslar da tədris proqramını mənimsəməmizdə çox kömək olurdu.  Sonuncunu xüsusi ilə qeyd etməliyəm ki,bu təhsil metodikası heç də əyanidən seçilmir. Tələbələr  Bakıdakı xüsusi konfrans salonundan, Anadolu Universitetinin ən son müasir texnologiya ilə təchiz edilmiş Eşkişehir`dəki xüsusi mərkəzindən canlı olaraq bağlantı yaradılır, dərslər tədris edilir və tələbələr sual verib cavab almaq imkanlarından yararlanırlar. Mən bu imkanlar sırasına eyni zamanda  televiziya proqramından, yəni  TRT Okul vasitəsi ilə tədris olunan  dərsləri də əlavə etmək istərdim.

      Bildiyimiz kimi, siz təhsilinizi  “Beynəlxalq Münasibətlər” fakultəsində almısınız. Bu  sahəni seçməniz nə ilə bağlıdır?

Dünyadakı müəyyən prosesləri dərk etdikdən sonra, dünyada baş verən beynəlxalq siyasi hadisələr məni çox maraqlandırırdı. Lakin, ən əsası bizim Qarabağ problemimizə aid hər şey daima diqqət mərkəzimdə olub. Bu fakultəni seçəndə hardasa bu proseslərdə yaxından iştirak etmək istəyim olub.

      Qeyd etdiniz ki, işləyirsiniz. Əmək təcrübənizlə oxucularımızı tanış etməyinizi xahiş edirəm.

Bəli işləyirəm. Həyat elə gətirdi ki, Anadolu Universitetinə qəbul olduğum ildə də işləməyə başladım. Son beş ildə bir neçə şirkətdə müxtəlif işlərdə çalışmışam. Bunlar əsasən xarici şirkətlər olub. Onların adlarını da qeyd etmək istəyirəm, Selpak, Samsung, D’loron parfume, Alcatel One Touch, Sun Mobile kimi şirkətlərdə müvafiq işləri icra etmişəm.

      Bunlar əsasən parfüm və mobil telefonlar üzrə şirkətlərdir. Belə seçim nə ilə bağlıdır?

Demək istərdim ki, xarici şirkət və onların nümayəndəliklərində işləmək yüksək məsuliyyət tələb edir. Bu məsuliyyət hissini əldə etməkdə Anadolu Universitində təhsil almağımın çox böyük rolu olub. Mən bu barədə universitetdəki təhsil sistemi haqqında danışanda yuxarıda qeyd etdim. Bax, elə bu məsuliyyət hissi oradan gəlir. Digər tərəfdən, Beynəlxalq Münasibətlər fakultəsində bizə digər biliklərlə yanaşı keyfiyyətli təqdimetmə qabiliyyəti də aşılanırdı. Bu tədris proqramının, işdə mənə çox böyük köməyi dəyir.

       Son iş yeriniz haqqında nə deyə bilərsiniz?

Mən hal-hazırda “VİP Express” şirkətində müştəri xidmətlərində çalışıram. Bu işim birbaşa insanlarla ünsiyyət qurmaqla bağlıdır. Bu işdə də mənə universitetimizin imici, aldığım biliklər yardımçı olmaqdadır.

       Biz də sizə Anadolu Universitetinin adını uğurlarınızla həmişə yüksək tutduğunuz üçün minnətdarlığımızı bildirir və sizə həyatda müvəffəqiyyətlər arzulayırıq.